സി.കെ.പി ശ്രീ പത്മനാഭാ വിദ്യാനികേതനിലെ കുരുന്നുകള്‍ക്കൊപ്പം ചെത്തല്ലൂരില്‍...
പരിവര്‍ത്തന യാത്രക്ക് പ്രോജ്ജ്വല സമാപനം...
പാലക്കാട് : നാടും നഗരവും ജനനായകനെ ഒരു പോലെ സ്വീകരിച്ചു. സി.കെ പത്മനാഭനെ മനസ്സുകൊണ്ടനുഗ്രഹിച്ച് കഞ്ചിക്കോട്ടെ കോച്ച് ഫാക്ടറിക്ക് വേണ്ടി കുടിയൊഴിക്കപ്പെടുന്നവരും അട്ടപ്പാടിയിലെ വനവാസി മൂപ്പന്മാരും പരിവര്‍ത്തനയാത്രയില്‍ പങ്കാളികളായി.
പട്ടാന്പിയിലെ ഓങ്ങല്ലൂരില്‍ നിന്ന് ആരംഭിച്ച പരിവര്‍ത്തന യാത്ര, ഷൊര്‍ണ്ണൂര്‍, ഒറ്റപ്പാലം, മണ്ണാര്‍ക്കാട്, മലന്പുഴ തുടങ്ങിയ നിയോജകമണ്ഡലങ്ങളിലെ എല്ലാ പഞ്ചായത്തുകളിലും നഗരസഭകളിലും സ്വീകരണമേറ്റു വാങ്ങിക്കൊണ്ട് പാലക്കാട് ടൌണിലെ 33 കേന്ദ്രങ്ങളിലെ റോഡ് ഷോയോടെ സമാപിച്ചു. വിവിധ കേന്ദ്രങ്ങളിലെ സ്വീകരണങ്ങളില്‍ പി.കെ കൃഷ്ണദാസ്, ഒ. രാജഗോപാല്‍, എം.ടി രമേഷ്, പി.എസ് ശ്രീധരന്‍ പിള്ള, എന്‍. ശിവരാജന്‍, വി.കെ സജീവന്‍, രവി തേലത്ത്, പി. വേണുഗോപാല്‍ തുടങ്ങിയ നേതാക്കള്‍ പങ്കെടുത്തു.
പാലക്കാട്ടെ ചുട്ടുപൊള്ളുന്ന ചൂടിനെ വകവയ്ക്കാതെ ആയിരങ്ങളാണ് വിവിധ കേന്ദ്രങ്ങളിലായി സ്വീകരണ യോഗങ്ങളില്‍ പങ്കാളികളായത്. ജനവിരുദ്ധ മുന്നണികള്‍ക്കെതിരെ ജനകീയ ബദല്‍ എന്ന പരിവര്‍ത്തനയാത്രയുടെ മുദ്രാവാക്യം അക്ഷരാര്‍ത്ഥത്തില്‍ ഏറ്റെടുത്തുകൊണ്ടാണ് പാലക്കാട്ടെ ജനത സി.കെ.പിയെ സ്വീകരിച്ചത്.
No comments:
Post a Comment